Opozita zhvilloi këtë të diel protestën e radhës kombëtare në Tiranë, duke kërkuar largimin e kryeministrit Edi Rama, krijimin e një qeverie teknike dhe garantimin e zgjedhjeve të lira dhe të ndershme.

Ndryshe nga protestat e mëparshme, tubimi i kësaj here nuk u shoqërua me fjalime, ndërsa situata u tensionua me një sërë incidentesh të njëpasnjëshme pranë institucioneve kryesore.

Gjatë protestës, u hodhën mjete piroteknike dhe flakadanë në drejtim të godinës së Kryeministrisë, Bashkisë së Tiranës, disa ministrive dhe selisë së Partisë Socialiste.

Për mbarëvajtjen e rendit, Policia e Shtetit angazhoi rreth 1300 efektivë në terren, të cilët ndërhynë duke përdorur ujë dhe gaz lotsjellës për të shpërndarë turmën.

Burimi, Tv Klan