Ambasadorja e Kosovës, Vlora Çitaku, kujtoi sot 27-vjetorin e ndërhyrjes ushtarake të NATO-s për të mbrojtur popullin e Kosovës dhe të drejtën për dinjitet e liri. Në një postim, Çitaku shkruan: “Përjetësisht, faleminderit! Si sot, 27 vite më parë, NATO ndërhyri ushtarakisht për të mbrojtur popullin e Kosovës dhe të drejtën tonë për dinjitet e liri. Falë luftës çlirimtare, urtësisë politike të lidershipit të asaj kohe dhe vendosmërisë së aleatëve tanë, ëndrra e brezave të tërë u bë realitet.”

Ajo shton se Kosova sot është një vend i lirë, me shpresë dhe të ardhme, dhe shpreh mirënjohje për të gjithë ata që dhanë gjithçka për lirinë, si dhe për miqtë ndërkombëtarë që qëndruan pranë vendit në momentet më të vështira.