Kryeministri izraelit, Benjamin Netanyahu, ka udhëzuar ushtrinë e tij të përshpejtojë fushatën ajrore kundër Iranit për 48 orë, me qëllim shkatërrimin e industrisë së armëve para se Shtetet e Bashkuara të lëvizin drejt një armëpushimi, raportoi New York Times.

Sipas raportimeve, vendimi erdhi pasi qeveria izraelite shqyrtoi një plan 15-pikësh të hartuar nga SHBA-ja për të dhënë fund luftës dhe arriti në përfundimin se ai nuk adresonte në mënyrë të mjaftueshme programin bërthamor të Iranit dhe kapacitetet e raketave balistike. Zyrtarët izraelitë shqetësohen se Presidenti i SHBA-së, Donald Trump, mund të shpallë bisedime paqeje në çdo moment.

Zëdhënësja e Shtëpisë së Bardhë, Karoline Leavitt, theksoi se kishte parë një plan “të qarkulluar në media”, por shtoi se Shtëpia e Bardhë nuk e kishte konfirmuar atë dhe se “ka elementë të së vërtetës në të, por disa nga historitë që lexova nuk ishin plotësisht faktike”.

Netanyahu dha urdhrin gjatë një takimi në një seli ushtarake pas informimeve nga komandantët e lartë mbi objektivat e mbetura të zbatueshme.

Burimi: KlanKosova.tv