Në Gjykatën Themelore në Prishtinë, sot pritet të mbahet seanca gjyqësore ndaj të akuzuarve për rastin e vrasjes së Liridona Ademajt. Para trupit gjykues do të dalin Naim Murseli, Granit Plava dhe Kushtrim Kokalla.

Seanca është paraparë të nisë në ora 09:30, ndërsa procesi po ndiqet me vëmendje të madhe publike. Sipas Prokurorisë, dyshohet se krimi është kryer për motive përfitimi financiar, duke përmendur edhe borxhet e mëdha që i atribuohen Murselit, të cilat arrijnë rreth 500 mijë euro.

Në një nga seancat e mëparshme, më 29 janar, Naim Murseli kishte deklaruar para gjykatës se nuk ka pasur asnjë marrëveshje për vrasjen e bashkëshortes së tij.

Ngjarja e rëndë kishte ndodhur më 29 nëntor 2023, rreth orës 20:25, në rrugën Dalip Alshiqi në fshatin Bërnicë të Prishtinës.

Burimi, Klankosova.tv