Deputeti i ASH-së nga krahu i Arben Taravari, Rijad Shaqiri, gjatë një interviste në emisionin Click Plus në TV21, ka folur për rolin e Gjykatës Kushtetuese dhe nevojën për mekanizma balancues në Maqedonia e Veriut.

Ai theksoi se mekanizmi i Badenterit mbetet i domosdoshëm në një sistem politik që funksionon mbi baza ndëretnike, duke përfshirë edhe Gjykatën Kushtetuese. Sipas tij, ky mekanizëm duhet të zbatohet jo vetëm në legjislativ, por edhe brenda vetë institucionit më të lartë juridik.

Shaqiri deklaroi se në RMV, ku skena politike funksionon mes dy etnive, është mëse i nevojshëm mekanizmi i Badenterit, si në legjislativ ashtu edhe në Gjykatën Kushtetuese, duke shtuar se me vetë faktin që ky institucion kohët e fundit më shumë luan rol politik sesa profesional, është e nevojshme të implementohet ky mekanizëm brenda për brenda tij.

Burimi, TV21