Komiteti i përbashkët parlamentar britanik ka paralajmëruar se Londra dhe aleatët evropianë duhet të përgatiten për një skenar ku ShBA mund të mos ofrojë mbrojtje gjatë një krize. Raporti vjen pas tensioneve me administratën e presidentit Donald Trump dhe pasigurive mbi përkushtimin amerikan ndaj mbrojtjes kolektive, shkruan SkyNews, transmeton Klankosova.tv.

Sipas komitetit, Britania duhet të zvogëlojë varësinë nga ShBA në armët bërthamore Trident, shkëmbimin e inteligjencës dhe programet ushtarake si avionët F-35 Lightning II. Raporti rekomandon gjithashtu forcimin e rolit të Evropës brenda NATO-s dhe investime më të mëdha në kapacitetet mbrojtëse.

Ekspertët theksojnë se një NATO pa ShBA do të ishte dukshëm më pak e aftë ushtarakisht dhe rritja e autonomisë strategjike evropiane bëhet e domosdoshme.

Burimi: Klankosova.tv