Zinédine Zidane është favoriti kryesor për të marrë drejtimin e ekipit kombëtar francez të futbollit pas largimit të Didier Deschamps, i cili do të përfundojë mandatin e tij pas Kupës së Botës 2026, që do të mbahet në Shtetet e Bashkuara, Kanada dhe Meksikë nga 11 qershori deri më 19 korrik. Ish-numri 10 i “Les Bleus” ende nuk është emëruar zyrtarisht, por eksperienca e tij si trajner dhe lidhjet historike me ekipin kombëtar e bëjnë kandidaturën pothuajse të sigurt. Deschamps, që ka udhëhequr Francën që nga vera e vitit 2012, do të lërë vendin për një nga ikonat më të mëdha të futbollit francez, duke sjellë një kapitull të ri për Les Bleus.

Burimi: REL