Kryetari i Komunës së Tetovës, Bilall Kasami, ka deklaruar se Korridori 8 do të përfshijë edhe Strugan, duke hedhur poshtë pretendimet për ndryshim të trajektores së këtij projekti strategjik.

Në një intervistë për Alsat, Kasami theksoi se nuk ka asnjë vendim që e përjashton Strugën nga ky korridor, duke sqaruar se bëhet fjalë për dallim mes zgjidhjeve teknike dhe rëndësisë strategjike të projektit. Ai u shpreh se “të thuhet se Korridori 8 nuk do të kalojë kah Struga nuk është informacion i saktë”.

Sipas tij, Korridori 8 është një nga projektet më të rëndësishme pan-evropiane, që lidh vende të NATOs dhe Bashkimi Evropianit, duke pasur rëndësi të veçantë për zhvillimin ekonomik dhe integrimin rajonal të Maqedonisë së Veriut.

Kasami shtoi se ky projekt jo vetëm që lidh shqiptarët në rajon, por është po aq i rëndësishëm edhe për shtetin në tërësi, duke theksuar se “sa është i rëndësishëm për shqiptarët dhe Shqipërinë, aq i rëndësishëm është edhe për Maqedoninë”.

Ai nënvizoi se aktualisht puna për realizimin e korridorit po vazhdon me intensitet të lartë dhe se nuk pritet asnjë devijim nga plani fillestar.

Burimi: AlsatM