Presidenti i Republikës, Bajram Begaj, ka përkujtuar 17-vjetorin e anëtarësimit të Shqipëria në NATO, duke e cilësuar këtë si një arritje historike për vendin.

Në një reagim në rrjetet sociale, ai theksoi se anëtarësimi ka forcuar sigurinë dhe sovranitetin e Shqipërisë, si dhe ka rritur rolin e saj në aleancën euroatlantike. Begaj vlerësoi kontributin e vendit si një aleate e denjë në shërbim të paqes dhe sigurisë ndërkombëtare, duke nënvizuar angazhimin e vazhdueshëm në misionet dhe operacionet e NATO-s.

Presidenti shprehu gjithashtu krenarinë për profesionalizmin e Forcave të Armatosura, të cilat, sipas tij, kanë kontribuar me dinjitet krah aleatëve sa herë është kërkuar, ndërsa theksoi se Shqipëria mbetet e palëkundur në përkushtimin e saj për të qenë faktor stabiliteti dhe sigurie.