Gjatë një fluturimi nga Kameruni drejt Angola, Papa Leoni XIV ka hedhur poshtë pretendimet për një përplasje me Donald Trump, duke theksuar se fjalimet e tij në Afrikë nuk ishin reagim ndaj deklaratave të presidentit amerikan.

“I kam shkruar dy javë më parë”, u shpreh Papa, duke shtuar se nuk ka interes për debat publik me Trump. “Nuk jam aspak i interesuar të debatoj me të”, deklaroi ai para gazetarëve.

Kreu i Kishës Katolike sqaroi se mesazhet e tij gjatë vizitës apostolike ishin përgatitur shumë më herët dhe nuk kishin lidhje me komentet e fundit politike. “Janë përgatitur shumë kohë më parë, para se Donald Trump të komentonte për mua dhe mesazhin e paqes që po promovoj”, theksoi ai.

Sipas tij, interpretimet për një përplasje janë të pasakta dhe të nxitura nga narrativa mediatike, ndërsa theksoi se misioni i tij mbetet përhapja e paqes dhe vëllazërisë.

Ndërkohë, debatet publike janë shtuar pas komenteve të bëra nga Trump në rrjete sociale, ndërsa Papa ka vijuar të kritikojë retorikën e luftës dhe tensionet ndërkombëtare gjatë vizitës së tij në Afrikë.

Selia e Shenjtë ka bërë të ditur se deklaratat e Papës nuk janë të drejtuara ndaj ndonjë figure të veçantë politike.