Pas një sëmundjeje të gjatë, ka ndërruar jetë gazetarja dhe redaktorja Gordana Duvnjak, një emër i njohur në mediat e Maqedonisë së Veriut me një karrierë të gjatë në gazetari, veçanërisht në fushat e politikës dhe drejtësisë.

Duvnjak e nisi rrugëtimin e saj profesional në vitin 1988 në Radiotelevizionin Maqedonas, ndërsa më pas ka punuar në disa media të njohura si “Nova Makedonija”, “Utrinski Vesnik”, “Makfax”, “1TV” dhe së fundmi në javoren “Focus”, ku ka mbajtur edhe role redaktoriale.

Lajmin për ndarjen e saj nga jeta e bëri të ditur djali i saj, Martin Duvnjak, i cili në një mesazh emocional e përshkroi atë si një figurë të fortë dhe profesionale. Ai shkroi, “Nëna, gruaja, mbretëresha jonë Gordana Duvnjak ka ndërruar jetë, një profesioniste dhe gazetare e nivelit të lartë që ishte shembull i ndershmërisë dhe dashurisë për profesionin”.

Duvnjak ndërroi jetë në moshën 61-vjeçare