Kryebashkiaku Erion Veliaj ka bërë me dije se pas testeve të kryera, rezulton pozitiv me Covid-19. Veliaj ka theksuar se është në gjendje të mirë shëndetësore ashtu sikurse dhe familja e tij.

Nuk ka harruar që të bëjë thirrje për kujdes, respektimin e masave të higjienës dhe vendosjen e maskës mbrojtëse. “Lus më të mirën për familjet tuaja! Shëndet e dashuri të gjithëve dhe mirënjohje e thellë mjekëve heronj!”, ka shkruar ndër të tjera Veliaj. Lajmin e ka ndarë vetë ai në rrjetet sociale, duke publikuar edhe një foto duke mbajtur maskë.