Prof. Dr. Biljana Angelova është rizgjedhur në krye të Universiteti Shën Qirili dhe Metodi, duke siguruar një mandat të ri drejtues pas procesit zgjedhor të zhvilluar brenda institucionit.

Sipas të dhënave zyrtare, stafi akademik dhe shkencor votoi me votim të fshehtë mes dy kandidatëve, ku përballë Angelovës ishte edhe Darko Danev. Në përfundim të procesit, Angelova mori 2.924 pikë, ndërsa kundërkandidati i saj 2.675 pikë.

Zgjedhjet u zhvilluan gjatë ditës në të gjitha njësitë e universitetit, ndërsa rezultati përfundimtar u konfirmua në procesverbalin zyrtar të komisionit zgjedhor.

Mandati i dytë i Angelovës në krye të universitetit do të nisë më 16 shtator 2026 dhe do të përfundojë më 15 shtator 2029.