Gjatë 24 orëve të fundit, policia ka intensifikuar kontrollet në komunikacion në të gjithë territorin e vendit, duke privuar nga liria shtatë drejtues mjetesh për shkelje të rënda.

Sipas të dhënave zyrtare nga autoritetet policore, pesë prej të ndaluarve, dy në Kërçovë dhe tre në Shkup, janë kapur duke drejtuar automjetin pa leje drejtimi. Ndërkohë, dy raste të tjera, nga një në Negotinë dhe Kërçovë, kanë rezultuar se shoferët ishin nën ndikimin e alkoolit.

Autoritetet bëjnë të ditur se pas përfundimit të procedurave dhe dokumentimit të plotë të rasteve, ndaj personave të ndaluar do të ngrihen kallëzime përkatëse penale.