Kryetari i Bashkimit Demokratik për Integrim, Ali Ahmeti, ka uruar të gjithë besimtarët myslimanë me rastin e festës së Kurban Bajramit, duke përcjellë mesazhe dashamirësie dhe uniteti. Në urimin e tij, Ahmeti shprehu: "Me rastin e Kurban Bajramit, ju përcjell urimet më të sinqerta për shëndet, paqe, harmoni dhe begati në familjet tuaja."

Kryetari i BDI-së theksoi karakterin e veçantë të kësaj feste, duke nënvizuar se "kjo festë e sakrificës dhe solidaritetit le të na afrojë më shumë me njëri-tjetrin, duke forcuar respektin, mirëkuptimin dhe vlerat njerëzore." Ahmeti përfundoi urimin e tij me një thirrje për bashkim, duke shprehur dëshirën që "festat t'i kremtojmë gjithmonë së bashku, me zemër të hapur dhe me suksese të përbashkëta për të ardhmen tonë."