Izet Mexhiti priti gjatë ditës së djeshme në takim Ambasadorin e Zvicrës në Maqedoninë e Veriut, Christoph Sommer, me të cilin u zhvillua një bisedë mbi zhvillimet aktuale politike, proceset reformuese dhe perspektivën evropiane të vendit.

Mexhiti shprehu mirënjohje për mbështetjen e vazhdueshme që Zvicra i ka dhënë Maqedonisë së Veriut në fusha të rëndësishme për zhvillimin demokratik dhe ekonomik.

Sipas tij, "marrëdhëniet e shkëlqyera ndërmjet dy vendeve dhe partneriteti strategjik me Zvicrën paraqesin një mbështetje të rëndësishme për reformat, zhvillimin dhe rrugëtimin evropian të vendit".