Në Qendrën e Numërimit dhe Rezultateve po vazhdon procesi i numërimit të votave të ardhura me postë për zgjedhjet e parakohshme parlamentare në Kosovë, të mbajtura më 7 qershor. Sipas të dhënave më të fundit të Komisionit Qendror të Zgjedhjeve, deri tani janë procesuar 82 kuti votimi, që përbëjnë 36,77 për qind të totalit të kutive të parapara për numërim. Një ditë më parë, KQZ përfundoi vlerësimin e 85.790 pakove me fletëvotime. Prej tyre, 82.809 u miratuan për numërim, ndërsa 2.981 u refuzuan pas procesit të verifikimit. Procesi i numërimit të votave me postë pritet të vazhdojë edhe në ditët në vijim deri në përfundimin e plotë të tij.

Burimi: Klankosova.tv