Irani ka konfirmuar zyrtarisht se nuk do të krijojë asnjëherë armë bërthamore, në kuadër të memorandumit të mirëkuptimit të arritur kohët e fundit me Shtetet e Bashkuara. Sipas një zyrtari amerikan të lartë, të cituar nga CNN, Irani është "duke u angazhuar pa kufizim kohor që kurrë të mos prokurojë ose zhvillojë armë bërthamore".  Zyrtarët amerikanë theksojnë se ky dokument duhet parë kryesisht si një marrëveshje politike, që synon krijimin e një klime më të favorshme për bisedimet teknike që do të vijojnë. Sipas burimeve, çështjet teknike që lidhen me heqjen e stokut iranian të uraniumit të pasuruar lart nuk janë zgjidhur ende, dhe diskutimet rreth mënyrës se si do të veprohet pritet të zhvillohen në raundin e ardhshëm të bisedimeve teknike. Po ashtu, zyrtari amerikan theksoi se shqetësimi kryesor nuk është thjesht prodhimi i energjisë civile, por "lloji i infrastrukturës që do t'i lejonte ata të kalonin nga prodhimi civil i energjisë te zhvillimi i armëve bërthamore". Pavarësisht angazhimit të ri, brenda udhëheqjes iraniane vazhdojnë të mbeten ndarje rreth mënyrës se si do të përparohet procesi, ndonëse administrata amerikane beson se shumica e zyrtarëve mbështesin marrëveshjen e propozuar.

Burimi: CNN