Bashkëkryetari i VLEN-it, Izet Mexhiti, ka njoftuar se nesër pritet të nënshkruhet kontrata për ndërtimin e autostradës Shkup–Bllacë, një projekt infrastrukturor me vlerë mbi 200 milionë euro. Sipas Mexhitit, ky investim do ta forcojë lidhjen ndërmjet Shkupit dhe Prishtinës, duke e shndërruar një premtim shumëvjeçar në një projekt konkret. “Rruga Shkup–Bllacë nuk është më një premtim. Është një projekt që po merr formë”, u shpreh ai. Mexhiti theksoi se për këtë projekt është folur për vite me radhë, por, sipas tij, tashmë është zgjedhur rruga e veprimit. “Për vite me radhë u fol. Ne zgjodhëm të veprojmë. Sepse rezultatet nuk kanë nevojë për zhurmë. Ato flasin vetë”, deklaroi Mexhiti.