Qendra Ditore “Milenium”, e dedikuar për përkujdesjen ditore të të moshuarve dhe promovimin e plakjes aktive, do të zhvillojë ceremoninë solemne të hapjes më 15 korrik 2026, në orën 17:00, në ambientet e saj në rrugën Van Vardarska p.n. (bb), në Tetovë, afër Ramstore dhe Universitetit të Tetovës. Kjo qendër synon të ofrojë mbështetje, aktivitete sociale dhe një hapësirë të përshtatshme për të moshuarit, duke kontribuar në përmirësimin e cilësisë së jetës dhe përfshirjen e tyre aktive në komunitet. Hapja e Qendrës Ditore “Milenium” është bërë e mundur falë mbështetjes së Bankës Botërore, Ministrisë për Politikë Sociale, Demografi dhe Rini, Komunës së Tetovës dhe OJQ-së “Milenium”. Përmes këtij projekti synohet krijimi i një modeli të ri të përkujdesjes sociale, ku të moshuarit do të kenë mundësi për angazhim, shoqërim dhe zhvillim të aktiviteteve të ndryshme në një mjedis të sigurt dhe mbështetës.