Franca kremtoi Ditën e Bastijës me një paradë të madhe ushtarake në bulevardin Champs-Élysées në Paris, ku morën pjesë mijëra ushtarë, avionë luftarakë, helikopterë dhe automjete ushtarake. Ceremonia u zhvillua në prani të presidentit Emmanuel Macron dhe dhjetëra liderëve evropianë, duke përcjellë mesazhe për forcimin e mbrojtjes evropiane, riarmatimin e Francës dhe mbështetjen për Ukrainën. Parada e këtij viti kishte një simbolikë të veçantë, pasi konsiderohet festa e fundit kombëtare e Bastijës që Macron drejton si president, përpara përfundimit të mandatit të tij të dytë dhe të fundit kushtetues në vitin 2027. Sipas mediave ndërkombëtare, në paradë morën pjesë rreth 6.700 ushtarë, 98 avionë, 31 helikopterë dhe 315 automjete ushtarake. Gjatë ceremonisë u shënua edhe 400-vjetori i Marinës Franceze, ndërsa mijëra qytetarë e ndoqën nga afër parakalimin, me miliona të tjerë që e panë përmes transmetimeve televizive.