Ceremonia e lamtumirës për gazetarin Enrik Mehmeti është zhvilluar mes dhimbjes së familjarëve, kolegëve, miqve dhe përfaqësuesve të institucioneve. Në homazhe ishte i pranishëm edhe kryeministri Edi Rama, i cili i dha nderimet e fundit gazetarit të ndjerë.

Enrik Mehmeti humbi jetën në moshën 40-vjeçare si pasojë e një aksidenti automobilistik. Ai ishte një nga reporterët më të njohur në Vlorë, me një karrierë të gjatë në News24, media lokale dhe platforma online, ndërsa prej vitesh drejtonte degën e Unionit të Gazetarëve Shqiptarë (UGSH) për Qarkun e Vlorës.