Këngëtarja shqiptare, Bleona Qereti, ka reaguar në rrjetet sociale në ditën kur në Hagë po zhvillohet seanca për shpalljen e aktgjykimit ndaj ish-krerëve të UÇK-së.

Përmes një postimi në Facebook, Qereti ka përcjellë një mesazh mbështetjeje për Kosovën, duke shprehur emocionet e saj në një ditë të rëndësishme për vendin.

“Kosovë, jam me ty”, ka shkruar këngëtarja duke e shoqëruar mesazhin me flamurin e Kosovës dhe një 'emoji' zemre.

Në vijim të postimit, ajo ka theksuar se mbështetja e saj për Kosovën vjen me zemër dhe me shpirt, duke shtuar se kjo ndjenjë është e përhershme.

“Me zemër. Me shpirt. Gjithmonë”, ka shkruar ndër tjerash.

Ajo e ka përmbyllur mesazhin me një tjetër deklaratë të shkurtër: “Një komb. Një gjak. Një zemër".

Reagimi i Qeretit vjen në një kohë kur vëmendja është përqendruar te Gjykata Speciale në Hagë, ku po shpallet aktgjykimi i shkallës së parë ndaj Hashim Thaçit, Kadri Veselit, Rexhep Selimit dhe Jakup Krasniqit.