Kreu i VMRO-DPMNE-së, Hristijan Mickoski theksoi se deputetëve të partisë së tij  u janë ofruar shuma, siç tha ai gjashtëshifrore, vetëm për të mbështetur programin e LSDM-së. Ai tha se janë të njohur emrat e personave misterioz që u janë ofruar deputetëve të VMRO-së, por që të njëjtit nuk do t`i publikojë.

Nuk do të doja të flas në publik për ata emra, do të ishte shumë joserioze. Është normale të keni qasje, të thuhet, ja këtë program e ofron LSDM-ja, por numra gjashtëshifrorë në valuta të huaja dhe premtime për privilegje… kjo paraqet shqetësim për dëgjuesin dhe për mua”, tha mes tjerash Mickoski.