Rreth 100 priftërinj nga tetë vende dhe nga rajone të ndryshme të Italisë do të mblidhen nesër në Romë, 22 shtator, në një marshim të organizuar nga rrjeti “Priftërinj kundër Gjenocidit”.

Pas një lutjeje në kishën Santo Spirito in Sassia, në orën 15:30 priftërinjtë do të nisin marshimin përgjatë Via della Conciliazione. Ata do të mbajnë një qefin me emrat e 300 fëmijëve palestinezë dhe libanezë që, sipas organizatorëve, janë vrarë pas shpalljes së dy armëpushimeve.

Marshimi do të vijojë drejt Piazza Pio XII dhe më pas në Via di Porta Angelica, ku priftërinjtë do të këndojnë një këngë për Taybeh, në Bregun Perëndimor, të kompozuar posaçërisht për këtë rast nga At Xavier Morlans.

Më pas, ata do të vazhdojnë përgjatë Via Cola di Rienzo drejt Piazza Giuseppe Mazzini dhe do ta përfundojnë marshimin rreth orës 17:30 në Piazza Monte Grappa, në kopshtin Simonetta Cesaroni, përballë selisë së kompanisë Leonardo S.p.A.