Nga Vendi
24 September 2026
Të dielën mbahet marsh protestues në Shkup në mbështetje të ish-krerëve të UÇK-së

Të dielën, më 27 shtator, në orën 14:00 do të mbahet marsh protestues te sheshi Skënderbeu në Shkup në mbështetje të ish-krerëve të UÇK-së që u dënuan në Hagë.

Marshi u paralajmërua nga Këshilli organizativ i protestës, nga ku Fexhri Asipi u bëri thirrje partive shqiptare, familjeve të dëshmorëve, veteranëve, studentëve, akademikëve, artistëve, shoqërisë civile dhe qytetarëve që t’i bashkohen marshit.

“Kjo nuk është çështje e një partie apo grupimi politik, por një çështje që prek një pjesë të rëndësishme të historisë sonë të përbashkët.

Ftojmë familjet e dëshmorëve, veteranët dhe invalidët, ish të burgosurit dhe të përndjekurit politik, Bashkësinë Fetare Islame, studentët, profesorët, akademikët, intelektualet dhe artistët shoqërinë civile dhe të gjithë qytetarët liridashës”, tha Fexhri Asipi, Këshilli Organizativ i Protestës.



Të ndryshme
Më shumë
Ngritet kallëzim penal kundër ish-kryetarit të Komunës së Strumicës 4 December 2025
Një orë pritje në kufirin Maqedoni-Greqi 2 August 2021
Prindërit e familjarëve të rastit të Koçanit publikuan kërcënimet që marrin, MPB kërkon t’ua dërgojnë me email18 June 2025