Banka Qendrore Evropiane ka paralajmëruar për një tjetër rritje të mundshme të çmimeve ushqimore në Evropë gjatë vitit 2027. Ndër faktorët që mund ta nxisin këtë zhvillim janë kostot më të larta të energjisë, thatësirat dhe moti ekstrem.

Parashikimet tregojnë se inflacioni i ushqimeve në eurozonë mund të shkojë në 3,4% në tremujorin e tretë të vitit të ardhshëm. Shtrenjtimi i transportit, prodhimit dhe plehrave artificiale mund të reflektohet në çmimet e bukës, bulmetit dhe mishit.

Maqedonia e Veriut mund të ndiejë gjithashtu pasojat, pasi është e ekspozuar ndaj ndryshimeve të çmimeve ndërkombëtare të energjisë dhe produkteve bujqësore.

Megjithëse ritmi i inflacionit është ngadalësuar, në shtator të vitit 2026 ushqimet në eurozonë kushtonin afërsisht 30% më shumë se në fund të vitit 2021.