Sport
15 May 2020
Ozil vendos përfundimisht për të ardhmen

Mesut Ozil ka për qëllim parësor të qëndrojë në Arsenal deri në mbarim të kontratës me klubin, sipas Erkut Sogut, menaxherit të mesfushorit gjerman.

Ylli gjerman e vazhdoi kontratën me klubin në janar të vitit 2018, duke u bërë lojtari më i paguar në Arsenal.

Kjo marrëveshje do t’i mbarojë në përfundim të sezonit 2020/21 dhe, duke qenë se ajo ditë po afrohet, për Ozilin është përfolur se mund të largohet nga Emirates para kohe.

Thuhet se Fenerbahce është njëri prej klubeve më të interesuara për t’i siguruar shërbimet e Ozilit. Por aty janë edhe klube të mëdha evropiane si Interi dhe Milani.

32-vjeçarin e duan edhe në Kinë, gjithashtu.

Por menaxheri i tij thotë se Ozil nuk synon të largohet, pasi do të qëndrojë në Arsenal edhe në sezonin e fundit në kontratën që ia siguron plot 350 mijë funte në javë.

“Mesut e ka edhe një vjet në kontratë. Nuk do të ketë ndryshime”, tha Sogut për beIN Sports.

“Se çfarë do të ndodhë më pas, vetëm koha do të tregojë. Mesut do t’i mbushë 32 vjet dhe do t’i ketë edhe disa vite tjera karrierë. Ai dhe familja e tij do të vendosin në fund”, shtoi ai.



Të ndryshme
Më shumë
Misajllovski: Refuzimi i dorëheqjeve nga Qeveria për rastin tragjik në Tetovë do të thotë se ata nuk kanë moral17 September 2021
Grubi: Naser Ziberi kryeministër, ka më shumë përvojë se Zaevi!19 July 2020
Mickoski nuk paraqitet në Gjykatë për të dëshmuar për “27 Prillin”22 December 2020