Nga Vendi
19 November 2026
Teuta Arifi: Respektimi i marrëveshjeve, garanci për stabilitetin dhe të ardhmen evropiane

Respektimi i marrëveshjeve ndërkombëtare dhe kombëtare është thelbësor për stabilitetin politik dhe zhvillimin e shoqërisë. Këtë mesazh e përcolli Teuta Arifi gjatë debatit të organizuar nga Qendra Analitike-Hulumtuese “Abdilaqim Ademi”, ku në fokus ishte nevoja për konsensus politik dhe ndëretnik në Maqedoninë e Veriut.


Arifi vlerësoi se vënia në pikëpyetje e zbatimit të marrëveshjeve ndërkombëtare, veçanërisht kur njëra palë konsideron se kanë krijuar rrethana për t'i rishikuar apo zhbërë ato, paraqet rrezik për stabilitetin e vendit dhe për proceset e ndjeshme të integrimit evropian.


“Respektimi i marrëveshjeve, qofshin ato të natyrës ndërkombëtare apo kombëtare, është parakusht jo vetëm i stabilitetit, por njëkohësisht edhe i zhvillimit të një shoqërie”, theksoi Arifi.
Duke trajtuar sfidat aktuale politike, ajo shtroi edhe çështjen e domosdoshmërisë së një Marrëveshjeje Kombëtare, e cila do të përfshinte dimensionin ndëretnik dhe ndërpartiak, me synimin për të riafirmuar vlerat e marrëveshjeve të mëparshme dhe për të ndërtuar një bazë të përbashkët për zhvillimin e ardhshëm.


“Ka ardhur vallë koha për Marrëveshje Kombëtare ndëretnike dhe ndërpolitike, me të cilat do të riafirmonim vlerat e marrëveshjeve të kaluara dhe respektimin e tyre, dhe mbi këto baza të ndërtonim marrëveshjet e së ardhmes për zhvillim?”, ishte pyetja që shtroi Arifi.


Mesazhi i saj në këtë debat riktheu në vëmendje rëndësinë e përgjegjësisë politike, dialogut dhe konsensusit të gjerë si themele për stabilitetin institucional dhe avancimin e Maqedonisë së Veriut drejt Bashkimit Evropian.



Të ndryshme
Më shumë
DW: Serbia pas Vuçiqit: Fituesve po u humbet durimi31 October 2026
Pagat në Zvicër pritet të rriten vetëm 1 për qind në vitin 2027 3 November 2026
Avokati i ish-presidentit Hashim Thaçi: Sa larg shkoi Gjykata Speciale, atë nuk e bëri as Prokuroria19 September 2026