Sport
22 November 2026
Emocionale: Nelson Hysa merr befasinë e madhe para meçit të karrierës

Boksieri shqiptar Nelson Hysa ka marrë një vizitë të bukur para meçit të karrierës, ku fëmijët dhe gruaja e kanë vizituar.

Hysa edhe më parë ka treguar se po i mungon shumë familja, ndërsa po vazhdon përgatitjet për meçin e 28 nëntorit.

“DAZN” ka publikuar pamjet emocionale kur boksieri shqiptar mbetet plotësisht i befasuar kur familja e tij vijnë ta vizitojnë.

“Siç kam thënë më parë më kanë munguar shumë. Kjo është vajza ime, djali dhe gruaja. Më kanë munguar shumë. Befasi shumë e bukur. Më vjen mirë që janë këtu. Po stërvitem dhe luftoj për ta”, tha ai ndër të tjera.

Përndryshe, Hysa do ta ketë një sfidë shumë të vështirë ndaj turkut Agim Kabayel, meçi që zhvillohet në Dusseldorf të Gjermanisë.

Në rast që fiton, atëherë shqiptari do ta marrë edhe titullin e kampionit të botës.



Të ndryshme
Më shumë
Protesta e studentëve në Tiranë, i vihet flaka koshave pranë Ministrisë së Arsimit14 November 2026
Vazhdon gjykimi për “Lidhjen ndërkombëtare”23 July 2020
VEBI BEXHETI: "ZAEVIT I RA MASKA E VIRUSIT TË NACIONALIZMIT" 3 July 2020