Këshili Gjyqësor do të angazhohet që të gjitha lëndët gjyqësore të kenë epilog gjyqësor.

Kryetari i Këshillit Gjyqësor, Kiro Zdravev nëpërmjet një letre drejtuar kryetarëve të gjykatave, kërkon që të bëhet një plan aksional deri kur lëndët do të duhej të zjgidhen në procedurë gjyqësore, përcjell Telegrafi Maqedoni.

Zdravev në fillim të muajit do të kërkojë llogaridhënie nga kryetarët e gjykatave se çka është bërë deri tani dhe po ashtu do të kërkohet aktivizimi i lëndëve të vjetërsuara.

Ai thotë se me ligjin e ri për Këshill Gjyqësor, ka për detyrë të vlerësojë punën e gjyqtarëve për çdo 4 vjet.