Nga Rajoni
25 June 2020
Konfirmohen 69 raste të reja me coronavirus në Kosovë, 75 të shëruar

Instituti Kombëtar i Shëndetësisë Publike, njofton se sot janë testuar gjithsej 281 mostra të marra nga Klinika Infektive dhe gjurmimi i kontakteve, rasteve në terren, nga të cilat janë konfirmuar edhe 69 raste me COVID-19 në vendin tonë.

Rastet pozitive janë nga: komuna e Prishtinës 37 raste, komuna e Istogut 8 raste, komuna e Prizrenit 5 raste, komuna e Fushë Kosovës 5 raste, komuna e Mitrovicës 3 raste, komuna e Ferizajt 2 raste, dhe me nga 1 rast komunat: Drenas, Rahovec, Klinë, Lipjan, Obiliq, Pejë, Suharekë, Viti dhe Vushtrri.

 

Ndërkaq, janë shëruar 75 pacientë derisa numri i përgjithshëm i të shëruarve deri më sot është gjithsej 1.246 raste, kurse raste aktive 1144.

Sipas institutit, nga data 08 shkurt deri më 25 qershor 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 22.725 persona të dyshimtë në virusin SARS-CoV-2 dhe prej tyre pozitive rezultojnë gjithsej 2.432 raste, me gjithsej 42 raste të vdekjes të cilët kanë pasur sëmundje të tjera shoqëruese.



Të ndryshme
Më shumë
Arjanit Hoxha nga Besa komenton fotografinë mes Kasamit dhe Avdiut23 September 2021
A janë bashkuar Tuna dhe Patrisi? 6 July 2021
Nuk ka konsensus për rezolutën e OBRM-PDUKM-së, deri nesër dokumenti do të dorëzohet në Kuvend 8 July 2021