Ministria e Shëndetësisë njofton se në Sistemin Nacional “Termini im” është vendosur mundësia për dhënien e certifikatave për personat që janë infektuar me COVID-19.

“Certifikata jepet ndaj të gjithë personave të cilët në nëntë muajt e fundit janë infektuar me Sars-Cov-2 dhe regjistrohen si raste pozitive në Sistemin nacional”, thuhet në njoftimin e MSH-së .

Ata shtojnë se certifikata mund të merret te mjeku amë ose në ueb-faqen vakcinacija.mk dhe është në gjuhën maqedonase dhe angleze.

“Në certifikatë përfshihet të dhëna për personin (emri dhe mbiemri, numri amëz, data e lindjes, gjinia), lloji testit, data e testimit, data e rezultimit pozitiv, spitali (laboratori) ku është bërë testimi, si dhe QR kodi”, thonë nga MSH duke theksuar se certifikata ka vulën digjitale të ministrisë./Telegrafi/