Në vazhdën e investimeve të shumta në Spitalin Klinik të Tetovës, së fundmi ky spital është pajisur me teknolog për ne departamentin e Rentgendiagnostikes. Qendra mjekësore e cila ka ofruar me mijëra inçizime deri më tani, tashmë të njejtat do ti ofroi akoma dhe me më shumë profesionalizëm. Lajmin për media e ka bërë të ditur Teknologu kryesor i departamentit të Rentgendiagnostikës Astrit Neziri, i cili u shpreh:

 “Kompjuteri tomografik General Electric 64 slice që e posedon Departamenti i Rentgendiagnostikes në Spitalin Klinik Tetovë është në funksion nga viti 2014 dhe është qendër regjionale për Maqedoninë perëndimore dhe më gjerë. Deri sot duke e përfshirë edhe periudhën intensive të Pandemisë ka realizuar më shumë se 55000 inçizime ( shërbime ) të pa ndërprera duke funksionuar me orar 24/7 që do te thotë asnjë qytetar që drejtuar ose ka kërkuar shërbim nuk ka ngelur pa u shërbyer, sepse ne te kundërtën duhej te presin me muaj te terë dhe te drejtohen ne institucionte tjera ne Shkup.”

        Neziri poashtu falenderoi dhe drejtorin e Spitalit Klinik të Tetovës Doc.Dr Florin Besimin për realizimin e këtij investimi.

“ Sot me datë 29 06 2021 Departamenti i Rentgen diagnostikës e përforcon Kompjuterin Tomograf General Electric nga 64 në 128 slice dhe e ngrit nivelin e diagnostifikimit dhe profesionalizmit. Këtë ne si Departament nuk do ta kishim realizuar pa Drejtorin e këtij institucioni Spitalit klinik-Tetovë, Doc.Dr Florin Besimi i cili çdo kërkesê tonën jo vetëm që e ka përkrahur por edhe e ka realizuar në kohë rekorde, e kjo që është realizuar sot do të thotë shërbim kualitativ, cilësor dhe shume profesional për qytetarët e Tetovës dhe gjithë Maqedoninë perëndimore,ndërsa neve si Departament na mundëson që të kryejmë shërbime më cilësore dhe më shumë profesionale.”