Një zyrtar i partisë kryesore opozitare në Turqi, CHP, ka thënë se kritikimi i partisë në pushtet në Turqi ka rezultuar me ndalimin e një qytetari.

Saltuk Deniz, përmes një postimi në rrjetet sociale, shkroi: “Është krim ta kritikosh AKP-në në Rize, të thuash se ekonomia është keq, të thuash se je i papunë. Duke dhënë një prononcim në kanalin Sokakkedisi në Youtube sot, E.A. u ndalua”.

Raportohet se qytetari u pyet rreth një deklarate të presidentit turk, Rexhep Erdogan, për Kanalin e Stambollit, projekt i ri që ka filluar të realizohet. Presidenti Erdogan kishte thënë se Turqia do të jetë në mesin e 10 ekonomive më të mira të botës.

I pyetur rreth deklaratës së presidentit, qytetari tha: “Unë mendoj se ai është qesharak”. Fjalët e tij u cilësuan shkelje.