Nga Bota
2 July 2021
Zjarri shkrumbon 90% të fshatit që regjistroi temperaturën më të lartë në Kanada

Një situatë katastrofike po vijon prej ditësh në zonën e Lytton në Kanada, ku temperaturat e larta i kanë lënë vendin zjarreve të frikshme që kanë shkatërruar gjithçka që u ka dalë përpara.

Autoritetet e rajonit të British Columbia, i cili këtë javë shënoi temperaturën 49% Celsius raportojnë se pothuajse 90% e fshatit tashmë është shkrumbuar dhe dëmet janë të pallogaritshme.

Edhe kryebashkiaku i Lytton shprehet se është një fat i madh që ka shpëtuar pasi për një kohë të shkurtër e gjeti veten të rrethuar nga flakët.

“Nuk do të mbetet shumë gjë nga Lytton. Zjarret janë anembanë”, tha kryebashkiaku Polderman, raporton A2.

Më herët, ai iu kishte bërë thirrje banorëve që të evakuohen dhe të mos rrezikojnë jetën e tyre.



Të ndryshme
Më shumë
Ada e Përputhen i jep ‘flakë’ rrjetit18 October 2021
Shuplakë se ia zuri rendin në market, vajza dënohet me 90 ditë burg 27 August 2021
Dashuria nuk është shuar! Nora dhe Roberti rindërtojnë martesën 2 vite pas divorcit të bujshëm17 August 2021