Ne kemi vlera të BE-së, por fatkeqësisht, Bashkimi Evropian nuk i respekton ato në fusha të caktuara, dhe një fushë që ndikon drejtpërdrejt në Maqedoni dhe në rajon është politika e zgjerimit, e cila nuk funksionon aspak, përcjell Telegrafi Maqedoni.

“Kjo tregon dështimin e plotë të BE-së për të kuptuar plotësisht efektin negativ që bllokimet e fundit dhe vetoja bullgare kanë pasur jo vetëm në shanset e qeverisë për t’u bashkuar me BE, por edhe mbi qytetarët që kanë një perspektivë për një të ardhme evropiane”, tha Ervan Fuere, ish-zyrtar i ambasadori i BE-së në Maqedoni.

Ai për “TV24” thotë se “BE duhet të fillojë procedime kundër Bullgarisë për të gjitha rastet e korrupsionit” që janë regjistruar dhe për të cilat administrata amerikane ka reaguar.

“Por fatkeqësisht BE ka dështuar”, tha Fuere.

Për sa i përket identitetit dhe historisë, tregon se përpjekjet e fqinjit tonë për të futur këto elemente në procesin e zgjerimit është një goditje shtesë për politikën e zgjerimit të BE-së dhe minon pozicionin jo vetëm në rajon, por edhe në botë, sepse nuk përmbush premtimet e saj dhe angazhimet për rajonin.

“Dhe nëse dështon në fqinjësinë e saj të afërt, atëherë nuk ka më kuptim për BE-në, prandaj është urgjente që Bashkimi të ndryshojë kurs”, tha ish-ambasadori i BE-së në Maqedoni./Telegrafi/