Ministria për Punë të Brendshme informon se dje (04.07.2021) vazhdoi me kontrollet e intensifikuara në trafik.

Nga MPB thonë se në territorin e qytetit të Shkupit, u shqiptuan gjithsej 293 masa, përfshirë 117 sanksione për ngasje më shumë se shpejtësia e lejuar, 32 shkelje të kryera nga motoçiklistë, 28 për ngasje pa patentë shoferi.

“56 sanksione u vendosën për vozitje nën ndikimin e alkoolit, shtatë për automjete të paregjistruara, pesë për përdorimin e telefonit, 14 sanksione për parkim të paligjshëm. Kontrollet e trafikut të veprimit të intensifikuar vazhdojnë”, thuhet në njoftimin e MPB-së.

Ata u bëjnë thirrje qytetarëve që të respektojnë rregullat dhe rregulloret e trafikut në mënyrë që të rrisin sigurinë në komunikacion dhe së bashku të kontribuojnë në rrugë më të sigurta.