Në një lidhje të re, ja dhurata që mori Jasmina

Ish-konkurrentja e “Për’puthen”, Jasmina Kadriu, vendosi që të vazhdonte njohjen jashtë programit me ish-konkurrentin nga Kosova – Andi Artanin. Pasi që gjatë kohës që dyshja ishte në program nuk arriti të dilnin si çift pasi kishin shumë mosmarrëveshje, gjë që u deklarua nga vetë ata.

Xhelozia dhe grindjet e shpeshta u bënë shkak që ata të ndanin rrugët me njëri-tjetrin. U përfol se këngëtarja Diona Fona, me të cilën Andi bashkëpunoi për një këngë, ishte arsyeja kryesore pse ata të dy u ndanë. Mirëpo e ftuar në “Soiree” së fundmi Diona ka treguar se mes saj dhe Andit nuk ka pasur kurrë asgjë më shumë përtej shoqërisë e punës.

“Ç’ka duket në televizion, nuk është e vërteta. Gjithmonë duhet të lesh hapësirë që të mendosh që është ndryshe historia. Nuk është që edhe i kam përcjellë. Ata si çift nëse kanë vendosur që të ndahen, kanë vendosur që të ndahen për arsyet e veta. Unë nuk kam lidhje. Unë kam pasur bashkëpunim profesional. E kam marr si model, si aktor në spot edhe kaq”, u shpreh Diona.

Megjithatë historia me Andin ka mbetur e shkuar e harruar për Jasminën. Më herët, gjatë një interviste virtuale me ndjekësit, ajo ka zbuluar se është në një lidhje të re. E pyetur më pas nëse i dashuri i saj është një person publik apo jo, ajo është përgjigjur: “Anonim”.

Ajo nuk ka dashur të zbulojë shumë detaje, por mesa duket partneri i saj nuk është i njohur në botën e televizionit.

Së fundmi, ajo ka marrë një dhuratë mjaft romantike, pas së cilës me siguri fshihet personi që i ka vjedhur zemrën.

Këtë surprizë, ajo e ka ndarë me ndjekësit e saj në rrjete sociale, ku shihet një arush i kuq me trëndafila, krahas së cilës ka bashkangjitur një zemër të bardhë.