Ministria e Shëndetësisë në RMV informon se në pikat e vaksinimit në shtet dhe në terren, në përfundim me ditën djeshme, janë vaksinuar gjithsej 528.117 qytetarë. Dozën e parë të vaksinës në shtet dje e kanë marrë 3.993 qytetarë, ndërsa gjithsej janë vaksinuar 10.179 qytetarë.

Në shtet gjithsej janë aplikuar 944.731 doza të vaksinave, ndërsa janë rivaksinuar 416.614 qytetarë.

Sipas MSH-së, 65 për qind e popullatës mbi 70 vjeç kanë marrë së paku një dozë vaksinë, 62 për qind e popullatës mbi 65 vjeç është vaksinuar së paku me një dozë vaksinë, 58 për qind e popullatës mbi 60 vjeç është vaksinuar së paku me një dozë vaksinë dhe 47 për qind e popullatës mbi 50 vjeç është vaksinuar së paku me një dozë të vaksinës. Qytetarët pa termin të caktuar po vaksinohen në pikat ekzistuese të vaksinimit në të gjithë shtetin.

“Procesi i vaksinimit në terren po zhvillohet në të gjithë territorin e shtetit, me rotacione të ekipeve mjekësore në çdo fshat, vendbanim rural, lagje. Ueb faqja vakcinacija.mk është e hapur për caktim të terminëve për vaksinim të fëmijëve. Ministria e Shëndetësisë u bën apel qytetarëve të përfshihen në vaksinimin masiv, sepse vetëm në këtë mënyrë do të kemi sukses, ta mposhtim virusin”, thonë nga MSH./Telegrafi/