Ish-deputetja afgane Elay Ershad ka folur për BBC, pas hyrjes së talebanëve në Afganistan.

Ajo e cilësoi presidentin afgan “të pangopur”, pasi braktisi Afganistanin dhe u arratis në Taxhikistan.

Ershad pretendon se presidenti u largua nga pallati presidencial me helikopter të dielën, 15 gusht, duke u thënë kolegëve se kishte një takim me ministrin e mbrojtjes të Afganistanit. Por më vonë u zbulua se ai ishte larguar plotësisht nga vendi.

“Unë jam aq e zemëruar sa nuk kam fjalë për ta shpjeguar,” tha Ershad.

“Ai la vendin dhe njerëzit e tij pas. Nuk e di pse i besova dhe votova për të.”

Një zëdhënës i presidentit tha se udhëheqësit afganë i kishin kërkuar Ghani të largohej për të shmangur gjakderdhjen dhe se ish-lideri planifikoi të kthehej në shtëpi një ditë.

Kur u pyet në lidhje me këtë, Ershad tha: “Do të doja që ai të kthehej përsëri. Do të doja t’i shikoja sytë e tij dhe t’i thosha ‘isha grua dhe kam qëndruar këtu'”.

“Nëse ai donte të shmangte gjakderdhjen, mund të ishte larguar gjashtë muaj më parë,” shtoi ajo.