Është publikuar fotografia e refugjatit pesëvjeçar afgan, i cili ra nga dritarja e një hoteli në Sheffield ndërsa nëna e tij bërtiste ‘shpëtoni djalin tim’.

Mohammed Monib Majeedi po shikonte nga dhoma e tij e gjumit në katin e nëntë, kur ai ra dhe vdiq dje në orën 14:30 pasdite.

Djali kishte qëndruar në hotel me nënën e tij Shekiba, babanë Omar Majeedi, dy vëllezër dhe dy motra që kur mbërriti në Mbretërinë e Bashkuar pasi iku nga talibanët në Afganistan disa javë më parë.

Nëna e tij ishte dëshmitare e rënies së tmerrshme dhe bërtiti ‘shpëtoni djalin tim ju lutem’.

Dritarja, e cila duhej të hapej vetëm rreth 5 cm, duket se ka qenë e gabuar dhe është hapur aq gjerë sa që Muhamedi të binte. I riu, i cili raportohet se ka mbërritur në Mbretërinë e Bashkuar me familjen e tij këtë verë, ra në një park makinash pas hotelit.

Policia e Yorkshire të Jugut konfirmoi se djali ishte nga Afganistani.