Kreu i Aleancës Kosova e Re, Behgjet Pacolli, ka ofruar shpërblim për këdo që jep informacion në Policinë e Kosovës që çon në arrestimin të të dyshuarit për vrasjen e 18-vjeçares M.O në Ferizaj.

Përmes një postimi në rrjetin social Facebook, Pacolli ka thënë se si baba i tri vajzave është i trishtuar me këtë ngjarje të rëndë, shkruan Reporteri.net.

“Unë ofroj shpërblim për këdo që i jep informacion të vlefshëm Policisë së Kosovës që çon në arrestimin e vrasësit të Marigonës. Si baba i tre vajzave, ndihem i trishtuar për këtë ngjarje të rëndë!”, ka shkruar ai në Facebook.

Ndryshe, ngjarja e rëndë ndodhi të dielën, ku dy persona dërguan pa shenja jete një 18-vjeçarë në Spitalin Rajonal të Ferizajt.

I dyshuari Arbër Sejdiu është arrestuar nga Policia e Kosovës, teksa dyshuari kryesor, ish-partneri i të ndjerës, Dardan Krivaqa, është ende në arrati.

Ky është postimi i plotë i Pacollit:

Unë ofroj shpërblim për këdo që i jep informacion të vlefshëm Policisë së Kosovës që çon në arrestimin e vrasësit të Marigonës. Si baba i tre vajzave, ndihem i trishtuar për këtë ngjarje të rëndë!