Kompania: Në mes të një pandemie globale duhet të ndalojmë infomacionet e rreme

Që nga fillimi i pandemise YouTube ka hequr më shumë se një milion video që përmbanin “dezinformacion të rrezikshëm mbi koronavirusin”.

Deklarata vjen ndërsa platformat e medias sociale po kritikohen nga udhëheqës politikë se kanë dështuar të ndalin përhapjen e informacionit të rreme e të dëmshëm në lidhje me virusin e tema të tjera. YouTube tha në një postim në blog se e ka mbështetur vendimin tek “qëndrimet për të cilat bien dakord ekspertët e organizatave shëndetësore”, përfshirë Qendrat Amerikane për Kontrollin e Sëmundjeve si dhe Organizata Botërore e Shëndetësisë, por vuri në dukje se në disa raste, “dezinformatat janë më pak të qarta të kuptohen”, me daljen e fakteve të reja.

“Politikat tona përqendrohen në heqjen e çdo videoje që mund të çojë drejtpërdrejt në dëmtim të botës reale“, shkruante shefi i platformës Neal Mohan.

“Që nga Shkurti i vitit 2020, ne kemi hequr mbi një milion video me informacion të rrezikshëm mbi koronavirusin, sikurse ato të lidhura me kura të rreme ose pretendime se ai (COVID-19) eshtë një mashtrim“, tha ai. “Në mes të një pandemie globale, të gjithë duhet të jenë të armatosur me informacionin më të mirë në dispozicion për të garantuar sigurinë tonë e të familjes“.

Ndërkohë kompania njoftoi gjithashtu se po punonte për të përshpejtuar procesin për heqjen e videove te tjera rreth koronavirusit./Klan News