Spekulimet për Big Brother VIP nisën javë më parë para konfirmimit se edicioni i ri do të mbahej këtë vit.

Pas konfirmimit, shumë përdorues të rrjeteve sociale po kërkojnë të dhëna për të zbuluar emrat që do të jenë pjesë e shtëpisë së famshme.

Duke qenë produkt i Top Channel, shumë nga publiku aludoi se pjesë e show-it do të jenë edhe disa ish-konkurrentë të “Për’puthen”.

Këtu u përmend edhe emri i Ledjana Prenga mirëpo ajo qartësoi gjithçka me anë të një postimi në llogarinë e saj në Instagram.

Teksa një ndjekës e pyeti se a do të jetë pjesë e “Big Brother VIP”, ajo u përgjigj prerë me një “JO”.