Nga Vendi
13 September 2021
“Të ndërpritet ndërtimi i objektit modular në Butel”, Kostovski: Ky objekt është si ai në Tetovë!

Kandidati për kryetar të Butelit nga radhët e VMRO-DPMNE-së, Darko Kostovski kërkoi të ndërpriten punimet për ndërtim të objektit modular në këtë komunë, i cili duhet të shpërbejë si poliklinikë.

Siç thotë, edhe ky objekt është si ai në Tetovë – i pasigurt për qytetarët, duke shtuar se po e ndërton kompania e afërt me pushtetin aktual.

Ndryshe, TV21 para dy ditëve publikoi storje se në Butel është duke u ndërtuar një objekt modular, i cili do të shërbejë si poliklinikë.

“Bëhet fjalë për lloj të njëjtë të ambulancës modulare si ajo në Tetovë, të cilën e ndërton kompania e njëjtë e afërt me pushtetin.

Kryetari në largim Velimir Smilevski, gjatë periudhës parazgjedhore, por edhe gjatë mandatit të tij të pasuksesshëm 4-vjeçar, dhjetë herë publikisht premtoi se komuna e Butelit do të bëhet me një poliklinikë bashkëkohore.

E gjithë kjo rezultoi me një objekt të pasigurt dhe nënçmues i cili e cenon dinjitetin e banorëve të komunës së Butelit”, tha Darko Kostovski, kandidat për kryetar të Butelit./TV21



Të ndryshme
Më shumë
Zyrtarisht Bilall Kasami kryetar i Tetovës31 October 2021
Fshati Tearcë ballafaqohet me mungesë të ujit për pije 2 July 2020
“Shtetësia”, Zaev: Besoj se Kuvendi do të gjej zgjidhje, pavarësisht bllokadave15 June 2021