Kryetari i Aleancës për Shqiptarët, Ziadin Sela gjatë paraqitjes së tij në TV 24, në emisionin “24 analizë”, deklaroi se ka biseduar me Mickoskin për zgjedhjet lokale, për të ardhmen e qytetarëve, dhe se kanë arritur në përfundimin se në vend që të ndërohet shteti ligjor, vendi po shkon në drejtim të kundërt, transmeton TetovaSot.

“Konstatuam se duhet të ketë ndryshime dhe si parti opozitare, ne avokuam që të bëjmë një marrëveshje për mbështetje reciproke në disa komuna, ndërsa për tema tjera do të bisedojmë. Nuk ka nevojë që Mickoski të më kërkojë falje për 27 Prillin, Zoran Zaev duhet të më kërkoje falje më shumë. Unë jam njeriu që e shpëtova atë ditë”, tha Sela.