Në vigjilje të fushatës parazgjedhore. kandidatët për kryetar komune kanë publikuar edhe programet e tyre parazgjedhore me të cilat do të synojn që të fitojnë përkrahjen e popullatës dhe të fitojn edhe zgjedhjet, informon portali “tetova1”.
Një veprim të tillë ka bërë edhe kandidati për kryetar komune nga radhët e Aleancës për Shqiptarët dhe Alternativës, Vullnet Murseli i cili në ueb faqen e tij personale të krijuar në prag të zgjedhjeve ka shpalosur të gjithë programin e tij dhe në kuadër të këtij programi Murseli ka dalë edhe me me këto premtime:
- Hapje e rrugëve të reja për të marrë frymë Tetova
- Ndërtimi i kapaciteteve të reja për Parkim
- Shndërrimi i kazermës në park të qytetit dhe qendër komunitare
- Ridizajnim i sheshit të qytetit; integrim me Kompleksin e Ri dhe Kompleksin e Vjetër
- Restaurim i pjesës së vjetër të qytetit, Investime në infrastrukturë në çdo fshat
- Administratë efikase, transparente dhe e digjitalizuar
- Investime në kapacitete të reja për pastërti publike dhe gjelbërim
- Zhvendosja e burgut të qytetit dhe ridestinimi në hapësirë për fëmijë
- Çerdhe të reja; përmirësim i kushteve nëpër shkolla
- Modernizim i rrjetit të shpërndarjes së ujit nëpër vendbanime
- Investime për zhvillimin e turizmit malor gjatë 12 muajve të vitit
Më shumë detaje për programin keni në linkun në vazhdim:
https://www.vullnetmurseli.com/programi/