Nga Vendi
13 October 2021
BDI: Gostivari i mbërthyer nga mbeturinat, Rusino-5 në lagjen Tullana

Për më pak se një javë, dega e Bashkimit Demikratik për Integrim në Gostivar ka denoncuar funksionimin e katër deponive të egra në rajonin e komunës së Gostivarit.

Pas Çegranit, Zdunjës e Banjicës, një deponi e egër është locuar edhe në lagjen Tullana. Qenë të ngordhur, mbeturina inerte e të forta, aromë e keqe dhe rrugë e rrënuara, po shoqërojnë përditshmërinë e banorëve të Zonës.

Aktivistët dhe qytetarë të Gostivarit për çdo ditë njoftojnë për deponi ilegale në vendbanimet e tyre. BDI e shqetësuar nga gjendja në terren, alarmon opinionin publik për përhapje të mundshme të ndonjë epidemie.

Nisur nga ky fakt i tmerrshëm në terren, BDI dhe kandidati për Kryetar komune, z. Nevzat Bejta sigurojnë qytetarët e Gostivarit që pas 17 tetorit, puna e parë e qeverisjes së re do të jetë pastrimi i deponive të paligjshme në gjithë territorin e komunës së Gostivarit.



Të ndryshme
Më shumë
Humb jetën një grua nga Ohri në aksident me motoçikletë18 August 2020
Procesi zgjedhor vijon normalisht në Haraçinë, nuk është regjistruar asnjë parregullsi15 July 2020
MPB Maqedoni: 435 gjoba për vozitje të shpejtë në territorin e të gjithë shtetit19 July 2021