Nga Vendi
13 tetor 2021
Shenjat e para të “krisjes” së Koalicionit ASH-AAA fillojnë nga Dibra!

Ditët e fundit të fushatës kanë nxitur edhe retorikën e partive politike, por ka nxitur edhe lëvizje dhe përkrahje interesante të kandidatëve të caktuar për zgjedhjet lokale shkruan TetovaSot. Një postim i fundit i kandidatit për komunën e Dibrës, Hekuran Duka së bashku me drejtorin e Logo A Adnan Ismaili, ka shkaktuar reagime të shumta në opinion.

Adnan Ismaili njihet si “lider shpirteror” i Alternativës së Afrim Gashit dhe kjo për tu kuptuar më mirë, ai ditë më parë u takua me Bekim Sali, kandidat i Alternativës dhe ASH-së në Çair.

Dalja në fotografi e Ismailit dhe Dukës, siç duket ka shkaktuar “krisjet” e para në koalicionin ASH-AAA, ku ky i fundit nuk do e përkrah Bekim Pocestën në Dibër por Hekuran Dukën nga radhët e BDI-së. Nga ASH ende nuk janë prononcuar në lidhje me këtë rast, se cilën parti do e mbështet Alternativa në Dibër.

Ndryshe, edhe para katër viteve Adnan Ismaili fill para zgjedhjeve lokale u fotografua me të ndjerin Ruzhdi Lata, ish kandidat dhe kryetar i Dibres nga rradhët e BDI.

TetovaSot



Të ndryshme
Më shumë
Vesa Luma mesazh serbëve: Mësoni gjuhën shqipe, nëse nuk mësoni dot historinë 27 korrik 2020
Ulen çmimet e derivateve të naftës në Maqedoninë e Veriut27 korrik 2020
VEBI BEXHETI: "ZAEVIT I RA MASKA E VIRUSIT TË NACIONALIZMIT" 3 korrik 2020